White Nights

વ્હાઇટ નાઇટ્સ
શું આત્મીયતાની એક નાનકડી પળ આખી જિંદગીની દિશા બદલી શકે ખરી?
સેન્ટ પીટર્સબર્ગની તેજોમય, સ્વપ્નિલ રાતોની પૃષ્ઠભૂમિ પર રચાયેલી ‘વ્હાઇટ નાઇટ્સ' એકલતા, આશા, ઝંખના અને પ્રેમની અત્યંત કોમળ તેમજ વિષાદપૂર્ણ ગાથા છે. શાંત અને સૂમસામ ગલીઓમાં એકલા ભટકવા ટેવાયેલો એકલવાયો સ્વપ્નદૃષ્ટા યુવક, પોતાના હૃદયમાં આશાઓ અને ઊંડું દર્દ લઈને જીવતી ‘નાસ્તેન્કા’ નામની એક યુવતીને મળે છે. ચાર અવિસ્મરણીય રાતોના સમયગાળામાં, તેઓ પોતાનાં સપનાં, ભય, સ્મૃતિઓ અને હૃદયના ઊંડા ખૂણે ધરબાયેલી વાતો એકબીજાને કહે છે. એક આકસ્મિક મુલાકાત તરીકે શરૂ થયેલો આ પરિચય ધીમે ધીમે એવા ગાઢ છતાં નાજુક સંબંધમાં પરિણમે છે, જે બંનેના જીવન પર કદી ન ભૂંસાય તેવી અમીટ છાપ છોડી જાય છે. અદ્વિતીય સંવેદનશીલતા સાથે, ફ્યોદોર દોસ્તોયેવસ્કી અહીં માનવ હૃદયની ઋજુ પામરતા, અધૂરી ઝંખનાઓની કસક અને ઉનાળાની રાત જેવો ક્ષણિક હોવા છતાં મધુર તેમજ વિષાદમય એવા પ્રેમની સુંદરતાને આલેખે છે. બે એકલવાયા માણસો, એક અસાધારણ મિલન અને જેને સંઘરી રાખવાનું સાહસ આપણે કરીએ છીએ એવાં સપનાંઓની એક કાલાતીત લઘુનવલ.
આ સાથે જ ગુજરાતીમાં પ્રથમવાર ફ્યોદોર દોસ્તોયેવસ્કીની દીર્ઘ કટાક્ષકથા 'બોબોક' પણ સામેલ છે.